Policia ka njoftuar se ka vënë në pranga shoferin që përplasi të premten në darkë dy vajza të mitura. Ngjarja ndodhi në qendër të Rrogozhinës. 59-vjeçari pasi përplasi dy vajzat, 10 dhe 11 vjeçe, u largua menjëherë nga vendi i ngjarjes.
“Specialistët për Hetimin e Krimeve të Komisariatit të Policisë Kavajë arrestuan shtetasin A. L., 59 vjeç, banues në Peqin, pasi në segmentin rrugor Rrogozhinë-Peqin, duke drejtuar mjetin tip “Ford”, ka aksidentuar dy shtetase të mitura 10 dhe 11 vjeç”, njoftoi policia.
Raportohet se dy vogëlushet janë dërguar në spitalin e Durrësit dhe fatmirësisht janë jashtë rrezikut për jetën. Materialet i kanë kaluar prokurorisë për veprime të mëtejshme procedurale
