Agjencia Kombëtare e Shoqërisë së Informacionit (AKSHI), përmes kompanisë kontraktore Communication Progress, ka zhvilluar së fundmi Portalin Kombëtar të Punësimit për Agjencinë Kombëtare të Punësimit dhe Aftësive në Shqipëri (AKPA), i cili përdor ESCO për të mbështetur tregun shqiptar të punës duke shfrytëzuar informacionin si përvoja e punës dhe aftësitë e kandidatëve.
Portali përdoret pa pagesë nga një shumëllojshmëri aktorësh, si ndërmarrje, shoqata, organizata punësimi publike dhe private, dhe punëkërkuesit. Portali është fleksibël për sa i përket zhvillimit, në mënyrë që në të ardhmen funksionalitete të reja të mund të shtohen ose përmirësohen, bazuar në nevojat aktuale të tregut vendas të punësimit.
Përdorimi i ESCO ndihmon në gjenerimin e rezultateve më të sakta kur regjistrohen punëkërkuesit dhe vendet e lira të punës. Portali ka për qëllim të mbledh, të përcaktojë rëndësinë dhe të hartojë informacione ne lidhje me: kategoritë e profesioneve, profesionet kombëtare, kategoritë e aftësive, aftësitë dhe lidhjet midis kategorive të profesioneve dhe aftësive.
Si rezultat, sugjerimet bazohen në pikët e vlerësimit që tregojnë nivelin e përputhshmërisë midis kërkesës dhe ofertës së punës.
Portali i Punësimit i prezantuar së fundmi, pritet të sjellë një ndikim të gjerë në përmirësimin e shërbimeve të punësimit në Shqipëri.
Prej 2017-s, qasja e ESCO si një standard terminologjik për tregun dixhital të punësimit ka ardhur duke u shtuar brenda komunitetit Europian.
Klasifikimi ESCO identifikon dhe kategorizon aftësitë, kompetencat, kualifikimet dhe profesionet e rëndësishme për tregun e punës dhe arsimin dhe trajnimin e BE-së. Ai tregon në mënyrë sistematike marrëdhëniet midis koncepteve të ndryshme.