fbpx
Lajme

Protestuan kundër HEC-eve, policia arèston 6 aktivistë

Policia ka shoqëruar në komisariat 6 aktivistë të cilët protestuan përpara kryeministrisë  kundër HEC-eve në Vjosë. Lëvizja Vetëvendosje, qendra në Shqipëri shkruan se protestuesit e shoqëruar në komisariat janë Lavdosh Ferruni, Martin Gjonaj, Jani Marka, Megi Mustafaraj, Bashkim Rodoni dhe Astrit Xhika. Me dhjetra forca policie kanë qenë në terren të cilët bënë shoqërimin e aktivistëve në komisariat si dhe shpërndarjen e protestës.Më datë 19 qershor, grupimi i aktivistëve, “Të mbrojmë lumenjtë” përmes një letre zyrtare njoftuan Drejtorinë e Policinë për një tubim ditën e sotme (24 qershor)

Postimi i Lëvizjes Vetëvendosje, Qendra Shqipëri: Mbrëmjen e sotme policia ka shoqëruar në komisariat 6 qytetarë që po protestonin paqësisht në mbrojtje të ambientit, kundër shfrytëzimit të egër të natyrës dhe burimeve ujore përmes HEC-eve abuzive. Nga informacioni që kemi deri tani, protestuesit e shoqëruar në komisariat janë Lavdosh Ferruni, Martin Gjonaj, Jani Marka, Megi Mustafaraj, Bashkim Rodoni dhe Astrit Xhika.

Lëvizja Vetëvendosje! Qendra në Shqipëri kërkon lirimin e menjëhershëm të protestuesve. Në Shqipëri shkatërrimi i mjedisit, i ekonomisë, i trashëgimisë së përbashkët, dhe në përgjithësi i publikes po shoqërohet me goditje edhe ndaj të drejtave bazë demokratike të qytetarëve, në orvatje e sipër për të instaluar shtetin policor.

“Faji” i vetëm i protestuesve ishte ushtrimi i të drejtës së tyre kushtetuese dhe civile të pjesëmarrjes në një tubim paqësor dhe shprehja e pakënaqësisë ndaj një dukurie si liçencimi i shfrenuar i HEC-eve që po e gjymtojnë natyrën tonë. Nga ana tjetër, zelli dukshëm i shpërpjesëtuar i Policisë së Shtetit për të shtypur edhe shprehjen më të vogël të pakënaqësisë në vendin tonë, konfirmon edhe më qartë rrezikun e instalimit të shtetit policor. Tiranë, 24 qershor 2020Lëvizja VETËVENDOSJE! Qendra në Shqipëri

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button