Deputetja e PS-së Antoneta Dhima përcolli sot pamje të peizazheve fantastike që ofron parku natyror i Divjakës. “Shumë vite më parë Parku Kombëtar i Divjakës ishte thjesht një pikë gjeografike, ndërsa sot është kthyer në një destinacion të shkëlqyer të turizmit natyror, atraktiv, të peizazhit, të florës dhe faunës kjo falë angazhimit, mbështetjes dhe politikës vizionare të qeverisjes qendrore dhe vendore”, shprehet ajo.

Sot, ky park është kthyer një pasuri e vërtetë kombëtare, që vizitohet dhe rivizitohet nga mijëra turistë vendas e të huaj. “Ajo që sot duhet të themi me krenari është fakti se qeveria shqiptare dhe Kryeministri Edi Rama, i ka dhënë rëndësinë që meriton turizmit në Parkun Natyror të Divjakës”, theksoi ajo.