Akuzave të kryedemokratit Basha për fshehjen numrit të personave që kanë ndërruar jetë nga Covidi, kryeministri i është përgjigjur me anën e një video-mesazhi për qytetarët. Rama thekson se është jo njerëzore të nxjerrësh foto nga morgue, dhe shprehet se Shqipëria është vendi i vetëm në botë ku kreu i opozitës dhe presidenti bëhen aleat me virusin. “Ky virus që po sulmon të gjithë njerëzit, është sprovë e jashtëzakonshme për të gjithë, për karaketrin e kombeve, shoqërive dhe individëve. Këtë sprovë, ashtu si dhe sprovën e tërmetin, ne shqiptarët nuk e kemi zgjidhur, por do ta përballojmë me forcën e karakterit tonë. Askush nuk mund të fajësohet se vendi u godit nga tërmeti apo pandemia, por mënyra e reagimit na tregon se kush jemi ne.
Tërmeti la pas pasoja për një kohë të gjatë rimëkëmbje, ndërsa virusi godet nga pak për një kohë të tejzgjatur. Në të dyja rastet del pah karakteri ynë, si popull. Jam krenar se si ne si popull kemi reaguar në të dyja rastet, dhe njerëzit janë të bashkuar, qoftë duke ndihmuar të pastrehët e tërmetit, qoftë ata të prekur nga Covid. Jam krenar se si forcat e këtij shteti janë vënë në dispozicion të njerëzve në nevojë. S’lë dot pa përmendur një pakicë të zhurshme që hedh baltë e pështyma. Të sharat e atyre mua më bëjnë më të fortë dhe më japin më shumë energji për t’i përballur në çdo fushë. Ka një dallim mes kritikave dhe sharjeve. Këto të fundit ma ndezin gjakun kur duhet të përballem publikisht me ta. Ne mund të kemi opinione të ndryshme, kjo është demokraci, por të shash e të shpifësh në një luftë si kjo nuk është lulzim i demokracisë.
Kjo është jo-njerëzore të nxjerrësh foto nga morgue. Nuk mundet që deri te Presidenti të krijojë komitetin e tij alternativ, dhe opozita të krijojë komitetet e veta. Ne jemi i vetmi rast në Europë ku qeveria lufton çdo moment, opozita dhe Presidenti bëjnë aleancë me Covid për të rrëzuar qeverinë. T’i thuash popullit që qeveria po fsheh numrin e të v dekurve, kjo është brutalisht çnjerëzore. Si mund të arrihet deri këtu pavarësisht karakterit të dobët të një lideri politik?,” tha Rama.
