Lajme

SHBA, treni përplaset me kamionin dhe del nga shinat, humbin jetën 3 persona

Të paktën tre persona kanë humbur jetën dhe dhjetëra të tjerë janë plagosur pasi një tren pasagjerësh doli nga shinat pasi u përplas me një kamion në Misuri, raporton BBC.

Në bordin e trenit ndodheshin 243 pasagjerë dhe 12 anëtarë të ekuipazhit.

Në një deklaratë, Amtrak, operatori kombëtar hekurudhor i SHBA-së tha se treni që udhëtonte në drejtim të lindjes nga Los Anxhelosi goditi një kamion që po pengonte një kalim publik pranë Mendon, një qytet me rreth 160 banorë që ndodhet 84 milje (135 km). ) nga Kansas City.

Ekipi i Amtrak dhe personeli  i urgjencës ndodhen në vendngjarje, ndërsa kanë nisur hetimet për ngjarjen.

Megjithëse daljet nga shinat të trenave të Amtrak janë të rralla, vitet e fundit janë shënuar një sërë incidentesh të tilla. Shtatorin e shkuar, një tjetër tren doli nga shinat në Montana, duke u marrë jetën tre personave dhe lënduar dhjetëra të tjerë. /rtsh.al/

Artikuj të ngjashëm

Leave a Reply

Your email address will not be published. Required fields are marked *

Back to top button
Close