Një fejesë e padëshiruar mes një vajze shqiptare dhe një djali maroken në Itali është bërë shkak për përplasjen fizike mes disa personave.

Media italiane, Lasiciliaweb.it bënë me dije se, 18-vjeçaja shqiptare dhe partneri i saj 21-vjeçar nga Maroku kishin nisur një lidhje dashurie prej kohësh. Prej disa muajsh familja e vajzës kishte kundërshtuar fejesën e tyre.

Mbrëmjen e djeshme çiftin kishte dalë për një shëtitje me motrën e 21-vjeçarit kur janë hasur në rrugë me xhaxhain e vajzës dhe bashkëshorten e këtij të fundit të shoqëruar nga disa miq të tyre. Ata menjëherë kanë nisur të ofendojnë shoqëruesit e vajzës.

Vajza u mundua të qetësojë situatën duke u kërkuar atyre të ndalojnë por u qëllua me shuplakë ndërsa njëri nga familjarët e kapi nga flokët.

Edhe djali nga Maroku u sulmua nga xhaxhai i partneres së tij. Në atë moment në rrugë janë shfaqur edhe familjarë të tjerë të vajzës, përfshirë edhe një 32-vjeçar i cili ka kërcënuar me thikë çiftin e ri.