Një qytetar shqiptar në Itali ka qenë protagonist i një aksidenti të rëndë sot në mëngjes, teksa me makinën e tij, Mitsubishi Espace, ka g oditur fort një makinë të ndalur dhe strukturën e një shtëpie të shkatërruar, pasi ka dalë nga rruga. Mendohet se shkaku i aksidentit të shkaktuar nga D.M., 38 vjeç, banues në Mornico Losana, ka qenë ndonjë krizë e papritur shëndetësore Aksidenti ndodhi sot rreth orës 8 në qendër të Montalto Pavese, ku sipas gjasave shqiptari ishte duke shkuar në punë.
Për shkak të gjendjes së tij të rëndë u kërkua ndërhyrja e helikopterit të urgjencës që e çoi në spital. Tani 38-vjeçari është shtruar në urgjencën e spitalit Papa Giovanni XXIII në Bergamo dhe mjekët janë të rezervuar në prognozën e tyre. Orët e ardhshme do të jenë vendimtare, si për dëmtimet e marra nga aksidenti, ashtu edhe për krizën që besohet se ishte shkaktare e gjithçkaje.
