Partia Demokratike ka publikuar ditën e sotme disa histori të banorëve të prekur nga tërmeti. Banorët akuzojnë qeverinë se nuk i ka ofruar ndihmë. Në videot që janë publikuar shihet se si tërmeti shkatërrimtar ka dëmtuar rëndë banesat, ndërsa banorëve u duhet të jetojnë në çadër. Anton Shota, një nga banorët e fshatit Bilaj, njësia Administrative Bubq, që është prekur nga tërmeti pohoi se shtëpia e tij është shkatërruar totalisht dhe jeton vetë i tretë në çadër. Ndërkohë, Qamil Korriku, nga fshati Mazhe e Madhe tha se askush nuk ka shkuar që t’i pyesë nëse kanë nevojë për ndihmë. “S’ka ardh kush me pyet a je gjallë apo vdek”, pohoi ai.