TIRANË, 2 dhjetor /ATSH/ Ministrja e Shtetit për Marrëdhëniet me Parlamentin, njëkohësisht dhe zëdhënëse e qeverisë, Elisa Spiropali vizitoi sot kampin në Vorë ku janë akomoduar 300 banorë të zonës të prekur nga tërmeti.
Spiropali pa dhe dëgjoi nga afër çdo shqetësim të tyrin. Ajo theksoi se, ekipet e emergjencave kanë ofruar në kohë rekord ndihmë për banorët duke i strehuar në ambiente provizore të sigurta.
Gjithashtu theksoi Spiropali bluzat e bardha kanë qenë në gatishmëri totale, pranë çdo banori, duke i ofruar asistencën e nevojshme mjekësore. Kujdes i shtuar gjithashtu është treguar për fëmijët dhe të moshuarit.
Ndërsa bashkë me ekipet e ekspertëve vendas e të huaj do të kryhet kontroll i imtësishëm në çdo banesë, u shpreh ministrja Spiropali, e cila theksoi se, nuk ka vend për panik.