Kryetari i Grupit Parlamentar të LSI-së Petrit Vasili ka reaguar sërish ndaj kryebashkikut të Tiranës Erion Veliaj, i cili pak ditë më parë tek sa mundohej të arsyetonte prishjet e ndërtesave tek Unaza e Re para disa prej banorëve të ‘Astirit’, bëri dhe një gafë.
Duke iu referuar plagosjes së oficeres së policisë Ina Nuka, ai u shpreh “Jemi te gjithe burra, i shkojne syte te martohet nje burre me nje vajze pa gishta?”.
Vasili përmes një postimi në ‘Facebook’ thotë se ai është me “Anagnostin qe e larteson gruan dhe jo me Veliajn, qe e percmon ate”.
Ai ka publikuar një sekuencë të filmit “Malet me blerim mbuluar” të regjizorit Dhimitër Anagnosti që skaliste figurën e Lilo Labes, “partizanes qe i prene kemben dhe lartesonte partizanin Jaho, qe me pergjerim ne emer te nje dashurie pa fund i kerkonte zemerdridhur te martohej me te per te kaluar gjithe jeten se bashku”.
Postimi i plotë:
Jam me Anagnostin, qe e larteson gruan dhe jo me Veiajn, qe e percmon ate.
Kryetari i bashkise se Tiranes, pre e nje manie te semure dhe pa sherim per pushtet,percmoi me qetesi,publikisht dhe pa asnje dhimbje mijra gra,ndersa komentonte policen Ina dhe ngrinte pyetjen e lige:
“JEMI TE GJITHE BURRA, I SHKOJNE SYTE TE MARTOHET NJE BURRE ME NJE VAJZE PA GISHTA ?”.
Ndersa Anagnosti,nje burre dhe artist i madh,plot 47 vjet me pare,skaliste figuren e Lilo Labes ,partizanes, qe i prene kemben dhe lartesonte partizanin Jaho, qe me pergjerim ne emer te nje dashurie pa fund i kerkonte zemerdridhur te martohej me te per te kaluar gjithe jeten se bashku.
Po jua risjell keto momente te dashur miq se bashku me mesazhin madhor te dashurise njerezore e cila zbukuron e i jep vlere jetes dhe triumfon mbi gjithshka.
Ne te gjithe pa asnje perjashtim mendojme si Anagnosti.
Ne kurre nuk mendojme si ky kryetari i bashkise e te tjere si ky,produkte te ngjitura pas karriges dhe qe zgjasin sa zgjat ajo e per te humbur ne humneren e harreses diten qe karrigen s’e kane më.
