Një 60-vjeçar mbeti i plagosur paraditen e sotme në një aksident rrugor në hyrjen veriore të Lushnjes. I plagosuri po udhëtonte me biçikletë kur është përplasur nga një makinë tip “Skoda” me targa AA 178 YL. Kjo e fundit më pas është përplasur me një godinë të hekurudhës. 60-vjeçari është transportuar me autoambulancë për mjekim në spital. Policia në vendngjarje ka nisur hetimet për aksidentin.