Zhytësit e Rojes Bregdetare të Lampedusa kanë identifikuar një varkë të vogël të fundosur të hënën e kaluar gjashtë milje nga bregu i Lampedusa dhe rreth dymbëdhjetë trupa.
Dyshohet se të imbarkuar kanë qënë 17 persona, 5 trupa të të cilëve ende nuk janë gjetur.
Varka e mbytur ndodhet në 60 metra thellësi. Trupat e të mbyturve u nxorrën në sipërfaqe nga roboti nënujor i Rojes Bregdetare i kontrolluar nga distanca.
Varka u mbyt në mëngjesin e datës 7 tetor vetëm 6 milje larg nga Lampedusa kur, pasi thirrën për ndihmë, në ‘sytë’ e anijeve të patrullës, disa prej migrantëve në bord filluan të acarohen duke shkaktuar përmbysjen dhe fundosjen e shpejtë të anijes që kishte filluar të fuste ujë.
Mes 12 trupave të gjetur, të gjithë me origjinë afrikane, ishte dhe trupi i një nëne e përqafuar nga fëmija i saj.
