Qyteti që është konsideruar si vendi i “origjinës së koronavirusit” është vënë sërish në qendër të vëmendjes. Por, këtë herë për një arsye tjetër. “Le të takohemi në Wuhan”, është slogani i një fushate publicitare të nisur së fundi. EOT reaklamon qytetin duke promovuar atraksionet e tij më të mira me qëllim që të tërheqë turistë.
Në videon e përgatitur, premtohen momente unike për ata që vendosin ta vizitojnë qytetin. Duhet të theksohet se Wuhan u fut në një karantinë 76 ditore duke bërë që banorët të rrinë mbyllur në banesat e tyre nga 23 janari deri më 8 prill. Sipas shifrave zyrtare, më shumë se 50,000 raste me koronavirusi dhe më shumë se 3,800 vdekje janë raportuar në qytetin me 10 milionë banorë.
