Një tërmet i fortë ka rënë pak minuta më parë në qytetin e Korçës.
Sipas informacioneve paraprake bëhet me dije se tërmeti ka qenë me magnitudë 4.4 ballë dhe një thellësi rreth 11 kilometra. Mësohet se tërmeti ka rënë rreth orës 16:21.
Ndërkohë që ka qenë rreth 10 kilometra larg nga Bilishti dhe 11 kilometra larg nga Korçës.
Siç raportohet nga Korça, tërmeti është ndjerë i fuqishëm në qytet dhe në zonat përreth, madje dhe në Maqedoninë e Veriut.
Ende nuk dihet sa dëme ka shkaktuar tërmeti.
Ndërkaq mësohet se pas tërmetit të fuqishëm 4.4 ballë, qyteti vetëm pak minuta më vonë është tronditur nga një tjetër tërmet 3.4 ballë. Tërmeti i dytë ka rënë vetëm 7 minuta pas tërmetit të parë. Ai ka qenë veëm 6 kilometra larg Bilishtit dhe 16 kilometra larg Korçës.
Paniku ka përfshirë menjëherë banorët e Korçës që braktisën shtëpitë dhe apartamentet nga frika e përsëritjes të lëkundjeve.
Tërmeti i regjistruar pasditen e 31 korrikut ishte thuajse me atë fuqi goditëse sa ai i 1 qershorit që shkaktoi dëme materiale në fshatrat Floq, Qafzes dhe Vidohovë të rajonit juglindor. Sipas Insitutit Sizmiilogjik, tërmetet kanë qënë të vazhdueshme nga fillimi i qershorit në Qarkun Korçë, ku janë regjistruar mbi 2400 të tilla në një periudhë 2 mujore.
