Anita Bitri, një meteor në qiellin e këngës shqiptare. Libri për kengetaren e madhe vlonjate dhe shqiptare, Anita Bitri vjen në Vlorë edhe në 15 vjetorin e ndarjes nga jeta ne menyre tragjike te kengetares se shquar. Miq, familjare, kolege te ish-kengetares së madhe Vlonjate, të pranishem në teatrin Petro Marko, duke sjellë në kujtesë, një nga kolosat e këngës së lehtë shqiptare.
Për artistin, muzikantin e mirënjohur Zhani Ciko, Anita Bitri përfaqëson atë brezë të vyer të këngëtarëve që nuk vjen më, me talentin e saj të spikatur që në vegjëli arriti të kapi majat e artit shqipëtar. Prezent në këtë ceremoni kryetari i bashkisë së Vlorës Dritan Leli kujton prezantimin e parë të Anita Bitrit në skenën Vlonjate, duke e cilësuar, si një nga këngëtaret që i dhanë tonin dhe kënaqësi skenës dhe publikut shqiptar.
Në aktivitet, janë përcjellë kujtime nga më të ndryshmet, duke ngjallur emocione tek të pranishmit, por mbi të gjitha duke kujtuar atë së cfarë Anita Bitri arriti të jepte në skenën shqiptare, me zërin dhe këngën e saj. Në nderim të këngëtares së mirënjohur vlonjate Anita Bitri, autori Albert Zholi publiko dhe librin e tij me jetëshkrime të këngëtares si dhe eksperiencat e saj të karierës. Të ardhurat që u fituan me shitjen e tij u shpërndan për bamirësi për familjet e prekura nga tërmeti i 26 nëntori në Durrës dhe Tiranë.
