Deputeti i Partisë Demokratike, Ervin Salianji, ka vijuar me akuzat ndaj qeverisë dhe lidhjeve të saj me krimin. Me anë të një postimi në rrjetet sociale, Salianji shprehet se sovranitetin e Shqipërisë e kanë marrë në dorë bandat.
Më tej ai ka risjellë në vëmendje pyetjet e Partisë Demokratike për Ministrin e Jashtëm Ditmir Bushati, lidhur me takimet e zhvilluara me grupin e “Bajrove” në Shkodër.
Në postimin e tij ai shkruan:
“Shqipëria dhe e ardhmja e saj rrënohet e shkatërrohet kur qeveria bashkëpunon me krimin dhe bandat; kur sovranitetin në territor nuk e kanë më institucionet, por banditët.Ministri i Jashtëm ende nuk i është përgjigjur pyetjeve të opozitës:
– Sa herë është takuar me Bajrot?
– Sa herë i ka përdorur për të kërcënuar përfaqesues dhe votues të opozitës?
-Sa territor ka mbuluar banda në zgjedhje duke bërë vota për Partinë Socialiste me “mënyrën e tyre”?
– Sa herë i ka çuar “selam” në emër të Ramës?
– Cili është komunikimi i fundit i tij me Bajrot dhe për cilat arsye ka komunikuar me ta?
– A ka dijeni ministri Bushati se cili ishte “shefi i madh në Tiranë” në përgjimet e bandës? Shefi që do i zgjidhte bandës problemet me ligjin?”.
