Në një tryezë diskutimi, që po mbahet sot për lirinë e medias ka folur edhe Walter Glos, president i Fondacionit KAS për Shqipërinë.
Ai ka shprehur shqetësimin rreth 2 projektligjeve të qeverisë për ndërhyrjen në media.
Glos ka thënë:
“E di se disa media dhe përfaqësues të tyre kanë shprehur shqetësimin e tyre rreth këtyre dy projektligjeve. Ato paraqesin rrezikun e censurës dhe një kufizim të lirisë së medias. Nëse shteti merr kontrollin mbi median, në çfarëdolloj forme, është një pikëpyetje e madhe.
Ndërsa nga ana tjetër përfaqësues të organizatave ndërkombëtare i kanë bërë apel kryeministrit Rama t’i tërheqë këto projekte, çka do të thotë se diçka nuk shkon me projektligjet.”
