Ministri i Brendshëm Sandër Lleshaj ditën e sotme ka vizituar në spital punonjësin e FNSH-së që u plagos ditën e djeshme.
Ai u plagos në krye të detyrës gjatë një operacioni policor për kapjen e Fatmir Kolecajt, i cili disa ditë më parë vrau vëlla e motër në Rrëshen.
Lleshaj ka qenë i shoqëruar Drejtori i Përgjithshëm i Policisë së Shtetit Ardi Veliu.
Ministri Lleshaj u interesua për shëndetin e tij dhe shprehu gatishmërinë e autoriteteve shtetërore për të afruar çdo ndihmë të nevojshme më të specializuar. Ai i uroi shërim të shpejtë efektivit të forcave speciale.
Ndërkohë, mjekët e Spitalit të Traumës garantuan se gjendja e punonjësit të policisë është stabilizuar dhe nuk ka asnjë rrezik për jetën.
