Ish-kapiteni i Shqipërisë, Lorik Cana, mbetet një zë aktiv edhe pasi është tërhequr nga futbolli. Në një mesazh të shpërndarë në profilin e tij në rrjetet sociale, Cana bën thirrje që të gjithë qytetarët shqiptarë të firmosin peticionin për të llogaritur votat e Diasporës Shqiptarë që nga zgjedhjet e ardhshme elektorale.
Mesazhi i Canës Të dashur, miq, vëllezër dhe motra,
Ditët e fundit, politika shqiptare po diskuton ndryshimet në Kodin Zgjedhor. Në këto kohë të vështira kur po përballemi me koronavirusin dhe po kujdesemi për familjet dhe njerëzit tanë, kemi një dritare për të ndryshuar të ardhmen e Shqipërisë nëpërmjet fuqisë së Votës së Diasporës.
Këshilli Politik për Reformën Zgjedhore do të bëjë rekomandimet në Komisionin Parlamentar për Reformën Zgjedhore dhe Votën e Diasporës në lidhje me zgjedhjet e planifikuara për vitin 2021.
Ju lutem, firmosni peticionin, bashkohuni me familjet dhe njerëzit tuaj, qarkulloni çdo lloj kontakti midis njëri-tjetrit.
Stabiliteti i Shqipërisë varet nga kjo gjë! Reforma e nevojshme Zgjedhore për Përfaqësim me Lista të Hapura dhe Votën e Diasporës në Shqipëri do të sjellë stabilitetin politik, zhvillimin ekonomik dhe do të reflektojë vullnetin e vërtetë të popullit. Kosova e ka realizuar një gjë të tillë, le ta bëjmë dhe në Shqipëri!
