Zlatan Ibrahimovic është një luan i mbyllur në kafaz dhe ka një dëshirë për t’u rikthyer për të luajtur, por fatkeqësisht inflamacioni i tendinit të Akilit e mundon atë për më shumë se një muaj dhe po e detyron atë të humbasë disa ndeshje.
Edhe dje suedezi nuk u stërvit në grup në Milanello, ashtu si sot punoi vecmas ende… Por nuk dorezohet dhe do te vendose të provojë deri në fund për të tentuar të jetë të paktën në stol të dielën në ndeshjen e madhe kundër Napolit.
Këtë mëngjes është raportuar nga La Gazzetta dello Sport e cila shpjegon se qendërsulmuesi i kuqezinjve ka ende disa shpresa për të qenë në mesin e ekipit për udhëtimin në shtëpinë e Napolit.
Natyrisht, askush nuk dëshiron të rrezikojë, por nëse Ibra do të ishte në gjendje, të punonte të paktën pjesërisht me shokët e skuadrës, atëherë ai mund të shkonte në pankinë kundër Napolit.
Edhe nëse nuk do të jetë në fushë, prania e tij në stadiumin Maradona mund të jetë vërtet e rëndësishme për grupin kuqezi në një ndeshje vendimtare për kampionatin e tyre si ajo e së dielës në mbrëmje.
Stefano Pioli e shpreson, por ai e di shumë mirë që shanset për të pasur Ibrahimovic në dispozicion janë shumë të pakta. Sulmuesi i Milanit, megjithatë, dëshiron të paktën të provojë dhe për këtë arsye po punon edhe më intensivisht në Milanello këto ditë.
Edhe ai e di se sa e rëndësishme është ndeshja ndaj Napolit dhe për këtë arsye dëshiron të jetë me çdo kusht aty të paktën në stol, në mënyrë që të jetë përkrah shokëve të rinj të skuadrës që nuk e pëlqejnë kurrë këtë kohë, duhet ta kenë pranë totemin e tyre.
Si Luciano Spalletti ashtu edhe Stefano Pioli mbajnë disa dyshime më pak se 72 orë pas ndeshjes. Trajneri napolitan duhet të zgjedhë mes Lobotka dhe Demme (favoriti i parë) dhe mes Politanos dhe Elmasit (gjithnjë favorit i pari).
Kuqezinjtë, nga ana tjetër, duhet të zgjidhin dilemën e sulmit: Messias dhe Kessie duket se kanë një avantazh ndaj Saelemaekers dhe Brahim Diaz. Më poshtë janë formacionet e mundshme të dy skuadrave.
Napoli (4-2-3-1): Ospina; Di Lorenzo, Rrahmani, Koulibaly, Mario Rui; Fabian Ruiz, Lobotka; Politano, Zielinski, Insigne (c); Osimhen.
Milan (4-2-3-1): Maignan; Calabria (c), Kalulu, Tomori, Theo Hernandez; Tonali, Bennacer; Messias (Saelemaekers), Kessie (Brahim Diaz), Leao; Giroud.
