Zjarri ka përshirë fushën e mbetjeve në Lushnjë, ndërsa djegia e mbetjeve prej orësh, ka shkaktuar emergjencë mjedisore. Tymi i zi dhe era e keqe kanë ‘pushtuar’ zonën, ku më e prekur është lagja ’18 Tetori’ e qytetit.
Qytetarët shprehen se tymi i përhapur është mbytës dhe se nuk mbajnë dot hapur dritaret e shtëpive. Zjarri ka rënë që nga ora 02:00 e mëngjesit, ndërsa në terren prej 7 orësh për shuarjen e flakëve po punojnë zjarrfikës të Lushnjës e Divjakës si dhe është kërkuar ndihmë nga zjarrfikësja e Rrogozhinës.
