Deti i kuq është pjesë e Oqeanit Indian dhe shtrihet midis Afrikës dhe Azisë. Nëpërmjet Kanalit të Suezit lidhet me Detin Mesdhe, ndërsa nëpërmjet Ngushticës së Bab el Mandeb lidhet me Oqeanin Indian.
Deti i Kuq është rreth 2000 km i gjatë dhe rreth 300 km i gjerë. Përfshin një sipërfaqe prej 450 000 km2, ndërsa thellësia e tij maksimale arrin deri në 2211 m.
Eshtë shumë i rëndësishëm për komunikimin ndërmjet Evropës dhe Afrikës Veriore me Azinë, Afrikën Lindore dhe Australinë.
Ky det shquhet për një habitat të larmishëm me mbi 1000 specie ujore. Deti i kuq e merr ketë emër nga algat që i japin ngjyrën e tij të veçantë. Në brigjet e Detit të kuq kanë dalje këto shtete afrikane: Egjipti, Sudani dhe Eritreja.