Vetingu në politikë është qesharak, deklaroi sot Ministri i Shtetit për Diasporën, Pandeli Majko, në fjalën e tij në Kuvend.
Ai theksoi se vlerësimin e lidhjeve të politikanëve me krimin e organizuar e jep gjykata.
“Shqipërisë në kuadër të integrimit në BE iu kërkua zbatimi i reformës në drejtësi. Shqipëria tashmë i ka ligjet për të dënuar politikanët e korruptuar, por zbatimi i tyre kërkon zbatimin e ligjit”, theksoi Majko.
“Procesi antikorrupsion kërkon gjyqtarë dhe prokurorë të pavarur, jo politikanë që vihen në rresht për të mbledhur prova”, tha Majko
Ministri Majko shtoi se PD akoma e vlerëson politikën si një mekanizëm administrativ.
“Politika në Shqipëri aktualisht është futur në një krizë të paprecedent. Debati deri vonë ishte fokusuar për problemet e politikanëve me ligjin”, tha ai.
Por, Majko ngriti pyetjen se çfarë bëhet nëse një politikan zbulohet me lidhje me krimin e organizuar. “Ai ikën në burg. Apo votohet që të shkojë në shtëpi. Mbi bazën e kësaj logjike të gjithë politikanët shqiptarë shpallen të dënuar dhe shpëton vetëm ai që sjell dëshmi për të kundërtën”, tha Majko.
Majko foli edhe për incidentin e djeshëm teksa deputeti demokrat Hasa tentoi të godiste kryeministrin Rama.
“Dje në Kuvend u hodh vezë në emër të studentëve. Në fakt janë vetë studentët të cilët që në fillim u shmangën nga çdo akt dhune. Pa studentët niveli i politikbërjes në vend do të ishin dëshmitë e mafiozëve të dalë në pension të cilët me gjysmë të vërtetat e tyre e çuan shoqërinë shqiptare në një kapitull depersonalizues”, tha Majko.
/gj.mima/j.p/
