Kreu i Bashkisë së Tiranës, Erion Veliaj, në çdo dalje të tij flet për rregullat dhe ligjet që qytetarët duhet t’i zbatojnë. Mirëpo vetë ai nuk i përbahet atyre që thotë, ndoshta edhe për faktin që nuk ka kush ta ndëshkojë. Sipas Dosja.al, Veliaj ka ndaluar në një nga rrugët e kryeqytetit duke bllokuar trafikun.
Makina me targa AA 909 TS, ka ndaluar në krah të Bankës së Shqipërisë në kryeqytet. Nga foto shihet se makina nuk ndodhet në korsinë e duhur, duke krijuar kështu trafik dhe avari në qarkullimin e mjeteve.
Pozicionimi i makinës në rrugë, ka detyruar mjetet e tjerë të lëvizin në mesin e korsisë, duke krijuar kështu çrregullim. Nëse një makinë tjetër do të kishte ndaluar aty me siguri do të kishte marrë gjobë, por me Veliajn kjo nuk ndodh, se nuk mund t’i vendosë gjobë vetes së tij.
