Makina përplaset me zetorin në Lushnjë

Foto ilustruese 

Një aksident i rëndë është regjistruar pak më parë në aksin rrugor Lushnjë-Berat.

Mësohet se një automjet tip “Volkswagen” është përplasur me një zetor me rimorkio.

Si pasojë e përplasjes, kanë mbetur të plagosur tre persona, që ndodheshin në zetor, me të cilin po transportonin produkte bujqësore.

Të lënduarit, të cilët janë rreth moshës 60-vjeç të tre, janë transportuar në spitalin e Lushnjës.

Një dëshmitar nga vendngjarja ka dërguar edhe pamje nga vendi i ngjarjes.

Ai shprehet se dy nga të plagosurit ndodhen në gjendje të rëndë.

Sipas tij, zetori është përplasur nga “Volkswagen-i”.

Mesazhi i plotë:

Pershendetje joq!  Aksident ne rrugen Lushnje Berat sot pak me pare. Jane plagosur tre personat qe ndodheshin ne zetor, dy prej tyre jan ne gjendje te rende. Zetori po kalonte rrugen dhe u perplas nga volkswageni. Te plagosurit jane ne spitalin e lushnjes, jane te moshes rreth 60 vjec te tre. Faleminderit.