Një ngjarje e rëndë ka ndodhur pasditen e sotme në Tiranë ku një makinë ka përplasur një fëmijë që lëvizte me biçikletë e për pasojë ka ndërruar jetë në spital. Ngjarja ka ndodhur në Farkë ndërsa fëmija është identifikuar si A. L, 14 vjeç i cili është përplasur nga një mjet me drejtues shtetasin I.Z.
Ky i fundit është shoqëruar në ambientet e Komisariatit Nr.1, për veprime të metejshme ndërsa vijon puna nga grupi hetimor për zbardhjen e rrethanave të ngjarjes. “Më datë 02.08.2020, rreth orës 17:00, në Farkë, mjeti me drejtues shtetasin I.Z., ka aksidentuar biçiklistin e mitur me iniciale A. L, 14 vjeç, i cili si pasojë e plagëve të marra ka ndërruar jetë në spital.
Drejtuesi i mjetit u shoqerua në ambientet e Komisariatit Nr.1, për veprime të metejshme. Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes.”, njofton policia.
