Një aksident me pasojë vdekjen është regjistruar në Durrës, ku për pasojë një 30-vjeçar ka humbur jetën. Ngjarja ndodhi rreth orës 02:07, në lagjen nr.15, në Durrës. Mësohet se 30 vjeçari A. B., ka humbur kontrollin e mjetit duke u përplasur me shtyllën e ndriçimit rrugor dhe për pasojë ka ndërruar jetën.

Durrës/Informacion paraprak Më datë 23.10.2020, rreth orës 02:07, në lagjen nr.15, Durrës, shtetasi A. B., 30 vjeç, duke drejtuar mjetin tip “Golf”, ka humbur kontrollin e mjetit duke u përplasur me shtyllën e ndriçimit rrugor, e për pasojë ka ndërruar jetë. Grupi hetimor po punon për zbardhjen e rrethanave të ngjarjes.