Deputeti i opozitës parlamentare Lefter Maliqi, përmes një postimi në facëebook, ka reaguar me tone të ashpra në lidhje me propozimet e mazhorancës qeveritare për ndryshimet në Kodin Zgjedhor. Maliqi shprehet se mazhoranca duhet t’i lëjë lojërat e pista me listat gjysëm të hapura dhe të respektojë Marrëveshjen e 5 Qershorit. Deputeti i bën thirrje popullit se nëse këto ndryshime do të bëhen realitet, atëherë parlamenti duhet rrethuar dhe qytetarët duhet të marrin në dorë fatete e vendit. Postimi i plotë: Rilindja e marrë fund, ti lërë lojërat me lista gjysëm të mbyllura dhe pa koalicione, por ti përmbahet marrëveshjes së 5 qershorit, me bekimin e ambasadës amerikane.
Nëse Rama dhe shpura e tij, guxon të kalojë ndryshimet kushtetuese, duke përdorur deputetët e opozitës parlamentare, i bëj thirrje popullit, opozitës së bashkuar, socialistëve të zhgënjyer, që të rrethojnë Parlamentin dhe ti hedhin në koshat e plehrave deputetët, si në Ukrainë. Të ngrihen të gjithë dhe të marrin në dorë fatet e vendit, të shporrin këtë qeveri të kriminalizuar dhe të koprruptuar që ka marrë peng Gjykatën Kushtetuese, Gjykatën e Lartë, institucionet e shtetit, zgjedhjet, demokracinë. Le të jetë populli ai që të godasë mafien, oligarket dhe krimin e bërë njësh me Rilindjen. Ëndrra e Ramziut për tu bërë diktator, le të mbetet në bunkerin e tij në Surrel. Shqipëria nuk është bunkeri i tij, por vendi i lirë i ëndrrës së studentëve të Dhjetorit drejt familjes së madhe europiane. Pse ka kaq shumë frikë Ramziu nga listat e hapura, pse e tmerron Ramziun koalicioni opozitar?! Në fakt, pyetja është retorike.
