Një 56-vjeçar ka plagosur bashkëshorten e tij me thikë, dhe prej afro dy muajsh ndodhej në kërkim nga ana e policisë. Ngjarja e cila ka ndodhur në Mallakastër, është finalizuar me prangosjen e bashkëshortit vetëm gjatë paradites së sotme.
Mësohet se nën arrest ka rënë Behar Zyberi 56 vjeç, banues në Visokë.
Ai akuzohet për “plagosje të rëndë me dashje”, ndaj bashkëshortes së tij, me inicialet L. Z.
“Ndalimi i këtij shtetasi u bë pasi Gjykata e Shkallës së Parë Fier me vendimin e datës 16. 11. 2018 ka vendosur masën e sigurisë ‘Arrest në burg’ për veprën penale ‘Plagosje e rëndë me dashje’ parashikuar nga neni 88/2 i Kodit Penal”, thuhet në njoftimin e policisë.
