Një ngjarje e rëndë ka ndodhur ditën e sotme në Mamurras, ku një grua e moshuar është gjetur e pajetë në banesën e saj. Viktima është identifikuar si 70-vjeçarja Gjelina Hoti, e cila jetonte e vetme.
Kanë qenë fqinjët ata që lajmëruan policinë, pasi e moshuara nuk iu ishte përgjigjur thirrjeve të tyre telefonike. Forcat zjarrfikëse dhe ato të policisë ndërhynë, duke thyer derën e banesës, ku konstatuan trupin e pajetë të 70-vjeçares. Paraprakisht dyshohet se e moshuara ka humbur jetën për shkak të kontaktin me rrymën elektrike nga pakujdesia. Megjithatë, do të jetë rezultati i autopsisë që do përcaktojë shkakun e vdekjes së saj.
