Pas 50 ditësh shumë të vështira në terapi intensive në maternitetin “Mbretëresha Geraldinë”, një foshnje e vogël që lindi në javën e 27, vetëm 1000 gramë, e ka fituar betejën për jetën.
Lajmi u bë i ditur nga ministrja e Shëndetësisë dhe Mbrojtjes Sociale, Ogerta Manastirliu, e cila falënderoi sot mjekët dhe infermierët e maternitetit për kujdesin e treguar ndaj vogëlushit.
“Pas 50 ditësh shumë të vështira në terapi intensive, Enxhi i vogël që lindi në javën e 27, vetëm 1000 gr, e ka fituar betejën për jetën. Super punë dhe përkushtim i ekipit të mjekëve dhe infermierëve të Maternitetit “Mbretëresha Geraldinë”. Jetë të gjatë Enxhi”, – tha Manastirliu.
