Manifestime masive në mbrojtje të klimës, si rrallë ndonjëherë janë zhvilluar këtë të premte në të gjithë Italinë. Siç shkruajnë mediat italiane, mbi 1 milionë të njerëz u dyndën shesheve të qyteteve të gjithë vendin, për të nxitur reagimin e qeverisë për të marrë masa kundër ndryshimeve negative me ritme të shpejta të klimës.
Rreth 150 mijë njerëz manifestuan vetëm në Milano. Dhjetëra mijëra të tjerë dolën në Romë, Bolonjë, Napoli e në 180 qytete gjithsej. Shumë prej tyre ironizuan ministrin e Arsimit Fioramonti, i cili i quajti pjesëmarrësit në këto manifestime “budallenj”, që ndjekin aktivisten Greta Thunberg.
“Kriza klimatike rrezikon të zhdukë njerëzimin. Nuk e di pse na thonë “budallenj”, ndoshta sepse nuk ndihen mirë që ne dalim në sheshe për të thënë të vërtetën”.
Manifestimet e frymëzuara nga 16-vjeçarja suedeze po shndërrohen në traditë në shumë vende të botës, çka po ve në lëvizje qeveritë të ndërmarrin politike në mbrojtje të mjedisit. Tv Klan
