Bashkëthemeluesi i Facebook dhe shefi ekzekutiv i META, Mark Zuckerberg dhe gruaja e tij Dr Priscilla Chan janë bërë prindër për herë të tretë.
Zuckerberg me anë të një postimi në rrjetet sociale ka zbuluar gjininë e foshnjes dhe emrin. Çifti janë bërë prindër të një vajzë, të cilën e kanë quajtur Aurelia Chan Zuckerberg.
“Mirë se erdhe në jetë, Aurelia Chan Zuckerberg! Ti je një bekim i vogël”, shkroi ai postimin. Në një nga fotot, Zuckerberg mund të shihet duke buzëqeshur me të porsalindurin e tij. Një foto e dytë tregon Chan duke mbajtur vajzën pranë saj.
Çifti është i martuar që nga viti 2012 dhe tashmë kanë tre fëmijë Augustin pesëvjeçar dhe Maxima “Max” shtatëvjeçare dhe vajzën e sapolindur.
