Një djalë i ri është parë duke përdorur shishe plastike për të qëndruar në det ndërsa duke u përpjekur të arrinte në enklavën spanjolle të Ceuta në Afrikën e Veriut. I riu, i cili duket të jetë rreth 13-14 vjeç, duket se po qante ndërsa ishte në ujërat rreth qytetit, i cili ka parë një rritje të mbërritjeve të emigrantëve këtë javë. Mijëra kanë notuar ose janë ngjitur mbi gardh për të dalë në tokën evropiane ditët e fundit.
Rreth 1500 emigrantë që bënë kalimin në Ceuta nga Maroku këtë javë besohet të jenë fëmijë dhe adoleshentë. Ndërsa ishte ende në ujë, një ushtar i bërtiste nga toka të riut. Ai pastaj mund të shihet duke hequr shishet dhe duke vrapuar përtej plazhit për të provuar të kalojë një mur, para se të kapet nga ushtarët. Deportimi i të miturve është i paligjshëm në Spanjë. Nxitimi i emigrantëve për të kaluar kufirin në qytetin spanjoll në Afrikën e Veriut filloi të hënën kur Maroku duket se liroi kontrollet kufitare.
Kjo lëvizje është interpretuar gjerësisht, duke përfshirë edhe opozitën Spanjolle, si hakmarrje për pritjen e Spanjës të një lideri të pavarësisë së Saharasë Perëndimore. Qeveria Spanjolle, megjithatë, është përpjekur t’i mbajë të ndara këto dy çështje dhe ministri i mbrojtjes i Spanjës ka akuzuar Marokun për “shantazh” për pasivitetin e tij përballë një rritje të mbërritjeve të emigrantëve në Ceuta.
Një ditë më parë, qeveria spanjolle u kërkoi rajoneve të saj kontinentale të lehtësonin qendrat e mbushura të pritjes për të mitur në qytetin e Afrikës Veriore. Nga mijëra emigrantë ende në Ceuta, shumë ishin fëmijë, disa të moshës shtatë ose nëntë vjeç, disa pa familje, sipas Ministrit të të Drejtave Sociale të Spanjës, Ione Belarre. Spanja vendosi trupa në enklavën e saj të Afrikës Veriore pas mbërritjeve të emigrantëve, të cilët arrestuan mijëra persona që u përpoqën të hynin në qytet përmes ujit ose mbi gardhe.
