Autoriteti Kombëtar i Ushqimit ka bllokuar dhjetëra ton margarinë që vinte nga Ukrahina pa certifikatë sigurie duke shitej në tregun shqiptar si gjalpë.
Kjo skemë mashtrimi ushqimor u zbulua nga 5 inspektime të AKU-së.
Ky produkt ushqimor importohej nga Ukraina, me mangësi në dokumentacionin shoqërues (certifkatë sigurie ligjërisht të pavlefshme); deklarohej në doganë si “yndyrë bimore”; zhdoganohej si ”margarinë” ; dhe shpërndahet në operatorë të ndryshëm të zinxhirit ushqimor, madje në sasi të konsiderueshme edhe tek individët, në mungesë të të dhënave identifikuese përveç emrit.
Importuesi e faturon “margarinën” si “gjalp” dhe e shoqëron në mënyrë abuzive me një fletëanalize autokontrolli që nuk ka asnjë element identifikuese, të tilla si: numër lott-i apo datë skadence në produktin e furnizuar.
Maketet nuk e kontrollojnë vlefshmërinë e dokumetacionit shoqërues së produktit dhe e shesin produktin duke e etiketuar si “gjalpë”. Madje në disa raste e nxjerrin produktin në shitje me kundra-etiketë duke tjetërsuar origjinën (Ukraina bëhet Gjermani) dhe përbërjen (“yndyrë bimore” bëhet “gjalp nga kremi i qumështit”).
Marketet e furnizuara me këtë produkt me siguri ushqimore të cënuar sipas AKU-së kthehen indirekt në pjesëtarë aktivë të skemës së mashtrimit në zinxhirin ushqimor.
Për këtë mashtrim AKU ekzekutoi 8 “Gjoba” me vlerë totale 2.9 milion lekë dhe u tërhoq nga tregu sasia prej 46.9 ton ”yndyrë bimore” (margarinë).
