Kjo e hënë shënoi rikthimin e 31 mijë maturantëve në të gjithë vendin në bankat e shkollave për të bërë të gjithë përgatitjet e nevojshme për provimet e maturës shtetërore. Procesi mësimor përgaditor do të vazhdojë deri më 5 qershor.Në katër orë mësimi, ata do të jenë të pajisur me maska dhe doreza. Gjimnazet e të gjithë vendit janë përgatitur për të siguruar kushtet e nevojshme të higjenës dhe distancimit fizik. Në klasa nuk do të jenë më shumë se 15 nxënës maturantë dhepër të garantuar këtë do të shfrytëzohen edhe shkollat 9 vjeçare. Sa i takon provimeve do të përfshihen vetëm temat e zhvilluara para mbylljes së shkollave. Provimet e maturës do të mbahen mes datave 8-18 qershor. Në hyrje të çdo shkolle janë vendosur vende për dezinfektimin e këpuceve dhe dy infermiere që kontrollojnë shëndetin e maturantëve. Gjithashtu për maturantet që nuk kishin maska dhe doreza u jepeshin falas nga shkolla. Nëpër klasa respektohet protokolli dhe largësite e përcaktuara nga 7 deri ne 10 maturante.
Hyrja e nxënësve bëhet nën vëzhgimin e mjekëve dhe stafeve mësimore. Kryhet matja e temperaturës, dezinfektimi, përdorimi i maskave dhe dorashkave. Pjesë e procesit janë 300 mesues dhe drejtues shkollash. Në oborret e shkollave është vendosur sinjalistika per zbatimin e distancimit social.
