Mësohet se mazhoranca ka tërhequr nga votimi projektligjin për mediat e njohur gjerësisht si “paketa anti-shpifje”. Arsyeja është komunikuar nga kreu i Grupit të PS-së, Taulant Balla. Kuvendi nuk do të votojë ligjin teksa është në shqyrtim nga Komisioni i Venecias.
Nga foltorja e Kuvendit Balla tha se ‘Venecia’ do të diskutojë në procedurë të përshpejtuar më 21 mars këtë paketë, ndërsa shtoi se në Tiranë pritet të vijë në delegacion në muajin shkurt.
“Votimi i dekretit për mediat audiovizive, diskutimi për të shtyhet, deri sa Komisioni i Venecias të na sjellë raportin e vet, më 20-21 mars.”, tha Balla.
