Ambasadorja e re amerikane Yuri Kim, pas takimit dje me kryeprokurorin Çela dhe kreun e KLP-së Gent Ibrahimi, sot ka zhvilluar një takim me prokurorët e strukturës së re SPAK.
Në thelb të takimit kanë qenë porositë e ambasadores për vijimin e mbështetjes ndaj SPAK dhe përparimi në reformën në drejtësi.
“Pres me kënaqësi të punoj me udhëheqësit shqiptarë ndërsa ata ndërmarrin hapa të vështirë, por absolutisht të nevojshëm për të zbatuar Reformën në Drejtësi, për të ndjekur penalisht krimin e organizuar dhe për të larguar korrupsionin nga sistemi shqiptar.
Jam besimplotë se teksa drejtësia dhe integriteti të hedhin rrënjë në Shqipëri, më shumë investitorë do tërhiqen drejt Shqipërisë, në mënyrë që të mund të krijojnë më shumë vende pune dhe mundësi si për amerikanët dhe për shqiptarët”, tha Kim.
