Ditën e sotme ka nisur Kongresi i Partisë Socialiste, i cili do të vijojë deri në datën 1 mars.
Zgjedhja e strukturave të reja do të jetë fokusi i 3 ditëve për socialistët në Pallatin e Kongreseve në kryeqytet.
Nga ky Kongres do të dalin dhe anëtarët e rinj të Asamblesë Kombëtare. Në ditën e dytë të sesionit të punimeve do të votohet dhe për ndryshimin e statutit, e gjithashtu do të bëhet publike dhe agjenda e partisë deri në vitin 2020.
Ndërsa në 1 Mars kryefjala e Kongresit do të jenë të rinjtë.
Të shtunën, që është edhe dita më e rëndësishme e punimeve, diskutimet do të përqendrohen në politikat kryesore qeverisëse, si rindërtimi pas tërmetit të 26-nëntorit, drejtësia, sundimi i ligjit, pakti për universitetin apo integrimi në Bashkimin Evropian.
Ndërkohë, në ambientet e Pallatit të Kongreseve është filmuar edhe ish-kryebashkiaku i Durrësit, Vangjush Dako.
Axhenda e kongresit të PS-së:
Rindërtimi pas tërmetit të 26 nëntorit 2019
Pakti për Universitetin dhe politikat arsimore
Drejtësia dhe sundimi i ligjit
Energjia dhe Infrastruktura
Shqipëria që duam dhe turizmi
E drejta e pronës, mbrojtja e territorit
Integrimi Evropian dhe Rajonal.ORANEWS
(Vangjus Dako në kongresin e PS-së)
