Kanë mbërritur në Aeroportin “Nënë Tereza” 10.000 doza të vaksinës ruse “Sputnik”. Kryeministri Rama përmes një publikimi në “Facebook” teksa publikon pamjet e mbërritjes së vaksinave shkruan:
“Së shpejti shuma të konsiderueshme vaksinash të tjera do të pasojnë, duke na krijuar mundësinë të rrisim fuqishëm numrat e vaksinimeve ditore, për të dalë së shpejti nga tuneli i gjatë i kësaj lufte të egër”.
Shqipëria merr kështu për herë të parë doza të vaksinës ruse, të cilat janë dhuratë nga Princi i Kurorës së Emirateve të Bashkuara, Muhammed Bin Zayed.
