Ka mbërritur nga Italia letërporosia për gjyqtarin Admir Thanza. Mësohet se letërporosia italiane konfirmon se Thanza është i dënuar për vjedhje në Itali. Gjyqtarit Thanza iu zbulua një dënim me burg dhe një gjobë në Itali për vjedhje gjatë seancave në Vetting.
Kujtojmë se Prokuroria e Përgjithshme nisi hetimet më parë për gjyqtari Admir Thanza, anëtar i Gjykatës së Lartë. Thanza u akuzua për deklarim të rremë në formularin e vetëdeklarimit.
Anëtari i Gjykatës së Lartë Admir Thanza përballë komisionit të vlerësimit rezultoi më një sërë problemesh. Trupa e KPK lexoi raportin e ILDKP ku thuhet se Thanza ka kryer deklarim të rremë të pasurisë dhe nuk ka burime financiare të mjaftueshme për të justifikuar pasurinë e tij. Hetimi ka nisur nga Seksioni i Dekriminalizimit në organin e Akuzës.
