Ndonëse janë pozicionuar në formacionin “pro Berisha” dhe kanë dalë kundër vendimit të kryedemokratit Lulzim Basha për përjashtimin e ish-kryeministrit nga grupi, Flamur Noka dhe Edi Paloka i janë bindur vendimit të grupit parlamentar për grisjen e fletëve të votimit, për zgjedhjen e Lindita Nikollës si kryetare parlamenti.
Pasi kanë marrë fletët e votimit, ata i kanë grisur në mënyrë demonstrative dhe janë larguar nga seanca. Kujtojmë se mbrëmjen e kaluar Noka ka pasur një debat me Bashën duke kundërshtuar vendimin e tij për largimin e Berishës. Ndërkohë që Paloka sot është shfaqur në krah të Berishës.
