Vetëm gjatë muajit korrik 117.611 qytetarë të huaj dhe vendas kanë zgjedhur të udhëtojnë nëpërmjet Portit të Durrësit, 85.628 në hyrje dhe 31.983 në dalje.
Shifrat janë bërë publike nga Autoriteti Portual Durrës, të cilët me qëllim përballimin me sukses të fluksit të qytetarëve që zgjedhin të udhëtojnë në linjat e trageteve Durrës-Bari/Ankona ka vënë në zbatim një sërë masash për krijimin e lehtësirave portal dhe sigurinë e udhëtarëve.
Kështu, janë vendosur tabele sinjalizuese orientuese, horizontale dhe vertikale për orientimin e udhëtarëve, është rikompozuar vendparkimi i autoveturave në mënyrë që të krijohen lehtësira për parkimin, është shtuar personeli për asistencë për kryerjen e chech-in dhe orientimin e pasagjerëve të automjeteve, është ngritur një grup pune i gatshëm me 7 punonjës sigurie, reparti i Emergjencës funksionon me shërbim 24 orësh etj.
Autoriteti Portual i Durrësit bën të ditur gjithashtu se gjatë muajit korrik në portin e Durrësit ka pasur 81 lundrime të trageteve të linjave me Italianë vajtje-ardhje.
