Mbyllet me sukses takimi dyditor i “Kick-Off” për projektin CREATURES i cili u zhvillua në 22 dhe 23 Prill 2020. Ky takim i cili ishte planifikuar të zhvillohej në qytetin e Bolonjës në Itali, u zhvillua nëpërmjet një videokonference për shkak të masave të marra globalisht për parandalimin e përhapjes së pandemisë të shkaktuar nga virusi Covid – 19. Në projektin CREATURES, i cili mbështëtet nga programi Interreg V-B Adriatic Ionian ADRION 2014-2020, Drejtoria Rajonale e Trashëgimisë Kulturore – Vlorë është partner së bashku me Qytetin Metropolitan të Bolonjës, Itali, i cili është dhe partneri Lider i këtij projekti, Rajonin Autonom Friuli Venecia Xhulias, Itali, Institutin e Planifikimit Urban të Republikës Sllovene, Slloveni, Parkun Shkencor të Patras, Greqi, Universitetin Ekonomik dhe Qendrën Kërkimore të Biznesit Athinë, Greqi, Agjensinë Rajonale për Zhvillim, Dubrovnik, Kroaci dhe Shkollën e Biznesit të Universitetit të Sarajevës në Bosnje Herzegovinë. Në këtë projekt marrin pjesë dhe 6 partnerë të tjerë të asociuar nga 5 vende të ndryshme ku për palën shqiptare merr pjesë Agjensia e Zhvillimit Rajonal AULEDA, Vlorë. #CREATURES #DRTKVlorë
