Universiteti i Karolinës së Veriut në Chapel Hill, një nga universitet më të mëdha në Shtetet e Bashkuara, anuloi procesin mësimor në sallat e mësimit pas një shpërthimi të koronavirusit. Sipas mediave të huaja mbyllja vjen një javë pasi kishte filluar mësimi i semestrit të dytë. Universiteti kishte krijuar mundësinë e mësimit në distancë për shumicën e lëndëve mësimore në muajin mars pas vendosjes së masave kufizuese për shkak të pandemisë së koronavirusit.
Të hënën, zyrtarët e universitetit thanë se 177 studentë kishin rezultuar pozitivë me koronavirusi dhe 350 të tjerë janë futur në izolim në konvikte dhe në banesat e tyre private. “Ne e kuptojmë shqetësimin dhe pakënaqësinë që këto ndryshime do të shkaktojnë për shumë studentë dhe prindërit e tyre”, thuhet në një deklaratë me shkrim të kancelarit të Universitetit të Karolinës së Veriut në Chapel Hill, Kevin M. Guskiewicz, dhe dekanit, Robert A. Blouin. Ndërkohë ata kanë shtuar se shkak u bën disa studentë që kishin frekuentuar lokalet dhe diskot.Në Universitetin e Karolinës së Veriut në Chapel Hill studiojnë rreth 30,000 studentë , të magjistraturës dhe doktoraturës.
