Sot është një e dielë e trishtë për familjen biologjike të Kasem Hysenbelliut, si dhe një e dielë e zbrazët për stafin e Fax News dhe Fax Web. Homazhet për ti dhënë lamtumirën e fundit themeluesit dhe presidentit të Fax News, tashmë kanë nisur, pranë banesës ku ai jetonte, ku nuk mungojnë miq, kolegë, gazetarë të cilët i shprehin ngushëllimet familjarëve.
Stafi i fax News dhe Fax Web kanë zhvilluar homazhe pranë familjes së presidentit të Fax News, Kasem Hysenbellit, ku nuk kanë munguar lotët dhe dhimbja për këtë largim të papritur të drejtuesit të tyrë të dashur. Gazetarja e Fax News për qytetin e Elbasanit, Entela Duka, e emocionuar dhe më zërin që i dridhej u shpreh se realisht ka një dhimbje shumë të madhe në zemër. “Në fakt na mblidhte me raste gëzimi. Ishte mes nesh çdo moment. Ne humbëm mikun shokun, ju kërkoj ndjesë por realisht kam dhimbje në zemër. Kam pasur të njëjtin shqetësim. Ato ishin bashkë me ne dhe familjarët e tij. Fax News ishte një familje!”- tha Duka.
