Studentët vijojnë protestën e tyre kundër qeverisë dhe Ministrisë së Arsimit, ku kërkojnë plotësimin e 8 kërkesave të tyre, mes të cilave, përmirësimin e kushteve të konvikteve, uljen e tarifës së studimit apo dhe anulimin e ligjit të Arsimit të Lartë.
Por ndërsa një pjesë e studentëve janë ngrujuar në ambientet e fakulteteve të tyre, si formë e përshkallëzimit të kësaj proteste, studentët paralajmërojnë përshakllëzim të mëtejshëm të protestës.
Në një intervistë për emisionin “Tempora” në televizionin “Ora News”, studentët paralajmëruan se kanë mbledhur 75 firma nga Fakultetit Juridik, për kalimin në grevë, ndërsa thanë se po shqyrtohet mundësia e një mase më radikale edhe se vetë greva.
“Kemi mbledhur 75 firma nga Fakulteti i Juridikut, që veç ngujimit, protesta të përshkallëzohet në grevë. Ndërkohë po shqyrtojmë një tjetër mundësi, më radikale sesa vetë greva. Detaje për momentin nuk mund të zbulojmë”, – thanë studentët, ndërsa disa prej tyre nuk pranuan të dalin para kamerave, pasi sipas tyre kanë familjarë në punë dhe rrezikojnë.
