9 persona kanë rënë në prangat e policisë italiane pasi akuzohen për grabitje në banesa e sende me vlerë. Sipas mediave italiane 4 prej të arrestuarve janë shqiptarë.
Arrestimi i anëtarëve të bandës ka ardhur mëngjesin e sotëm. Ndërsa në krye të kësaj bande sipas mediave italiane ishte një serb.
Endri Çaushaj, i lindur në vitin 1986
Migen Capatina, i lindur në3 vitin 1989
Bledar Bashmeta, i lindur në vitin 1978
Besart Mehmeti, i lindur në vitin 1985
Marco Ramunno, i lindur në vitin 1987
Lorenzo Macall, i lindur në vitin 1991
Vlera e sendeve të grabitura nga kjo bandë kapte shifrat e së paku 100 mijë eurove.
Shtatë vetë u lanë në paraburgim, kurse dy të tjerë në arrest shtëpie. Banda vepronte më së shumti në provincën e Brescia dhe operonte në provincat fqinje. Banditët besohet se kanë kryer shumë vjedhje në disa zona të Italisë.
Ata besohet se kanë bërë më shumë se 20 grabitje, 13 nëpër institucione publike dhe 7 vjedhje makinash.
Ndërkohë hetimet për grupin kriminal kishin nisur para pak muajsh, ndërsa operacioni u finalizua ditën e sotme.
