Ashtu siç është raportuar ditët e fundit, me ngrohjen e temperaturave, qqytetarët kanë nisur të rendin drejt bregdetit, por nga ana tjetër forcat e rendit kanë bërë inspektime të vazhdueshme duke mos i lejuar për shkak të masave ndaj pandemisë. Kjo ka ngjallur pakënaqësi tek qytetarët por efektivët thonë se janë “urdhëra nga lart”, ndërkohë që ditën e sotme në bregdetin e jugut Vlore, me sa duket ka vijuar puna e tyre për ‘spastrimin’ e plazhit nga pushuesit.
Por njërit prej efektivëve i ka ndodhur një incident, pasi ka kaluar gjendje të fikëti dhe është marrë në krahë nga kolegët e tij duke e larguar nga zona ku ishin pushuesit. Pamjet e mëposhtme të publikuara nga tvklan tregojnë momentet kur ka ndodhur kjo ngjarje ndërsa qytetarët e paktë në numër që ndodhen pranë kanë mbetur të habitur.
